Kada se kuhinjom raširi miris tijesta i šećera u prahu, nastaje istinski gastronomski praznik za nepce.
Vjerujemo da na pitanje: “Ko je za krofne?”, rijetko ko ima negativan odgovor. Krofne su rado viđen gost na trpezi, a obožavaju ih i oni najmlađi i stari.
Mekane, a iznutra potpuno šuplje, idealne su za najrazlačitija punjena po vašem ukusu.
Iako ima bezbroj recepata i načina da pripremite krofne, mi vam donosimo najednostavniji, koji će vam uvijek uspjeti.
Sastojci:
500 g brašna 7 g suvog kvasca kašičica šećera prstohvat soli 300 ml mlijeka 2 jajeta 1 žumanjce 50 g maslaca ulje za prženje
Priprema:
U većoj posudi pomješajte sve suve sastojke. Mlijeko zagrijte tako da bude mlako, pa ga zajedno sa ostalim sastojcima dodajte u one suve koje ste pomiješali.
Mješajte dok ne bude više gromuljica i dok tijesto ne postane elastično.
Tijesto ostavite da odmara oko 15 minuta.
Na radnu površinu sipajte malo brašna, pa stavite tijesto i premjesite ga. Dodajte vrlo malo brašna na tijesto, tek toliko da ne bude ljepljivo.
Tijesto rastanjite na jedan centimetar debljine i čašom vadite krugove i ostavite ih da odmaraju 45 minuta.
U veću šerpu sipajte ulje, pa kada se zagrije, pažljivo spuštajte krugove od tijesta.
Kada porumene, vadite ih i stavljajte na papirni ubrus kako bi upio višak ulja.
Pospite ih šećerom u prahu i služite uz krem ili domaći džem.
(Telegraf)
